| Chapter 4 |
1 | Vir die musiekleier; met snaarinstrumente. 'n Psalm van Dawid.
|
2 | As ek roep, verhoor my, o God van my geregtigheid! In benoudheid het U vir my ruimte gemaak; wees my genadig, en hoor my gebed!
|
3 | o Manne, hoe lank sal my eer tot skande wees? Hoe lank sal julle die nietigheid liefhê, die leuen soek? Sela.
|
4 | Weet tog dat die HERE vir Hom 'n gunsgenoot afgesonder het; die HERE hoor as ek Hom aanroep.
|
5 | Sidder, en moenie sondig nie; spreek in julle hart op julle bed, en wees stil. Sela.
|
6 | Offer offerandes van geregtigheid en vertrou op die HERE.
|
7 | Baie sê: Wie sal ons die goeie laat sien? Verhef oor ons die lig van u aangesig, o HERE!
|
8 | Groter vreugde het U in my hart gegee as wanneer hulle koring en hulle mos oorvloedig is. [ (Psalms 4:9) Ek wil in vrede gaan lê en meteens aan die slaap raak; want U, o HERE, alleen laat my in veiligheid woon. ]
|